-
PARTNAR, DAGLEG LEIAR & DESIGNAR
Caroline H. Engeset har 5 års utdanning innan mediedesign. I 2020 tok ho mastergrad ved Høgskulen i Volda, på linja Master in Media Practices. Ho arbeidar med strategisk design, og kan hjelpe deg med blant anna merkevarebygging, visuell identitet og webdesign. Arbeidet går over ulike flater og kanalar, analoge og digitale, og ho likar å teste ut nye teknologiar.
Caroline har eit sterkt engasjement for å bidra der behovet er størst - ho vil hjelpe deg å synleggjere merkevara di og tilby deg relevante verktøy for å sikre tydeleg og målretta kommunikasjon med kundane dine. Med eit solid samarbeid og god kommunikasjon ligg alt til rette for å oppnå gode resultat.
«Modige val gir sterke resultat»
-
Foto av Joao Carlos
PARTNAR & FOTOGRAFMed 16-års drift av eige fotostudio, har Cecilie Hatløy opparbeida seg mykje nyttig erfaring og kunnskap som ho tek med seg inn i sine nye oppdrag og prosjekt. Cecilie har sveinebrev/fagbrev i fotograffaget med beste resultat «Bestått meget godt». Ho er ein anerkjend og prisvinnande fotograf nasjonalt og internasjonalt, og har kvalifisert seg som ein av få i Noreg til tittelen «Master Qualified European Photographer» dette i regi av Federation of European Photographers (FEP).
I dag sit Cecilie sjølv i juryen, og juryerer på høgaste nivå rundt om i Europa for FEP. Ho er også medlem av Norges Fotografforbund (NFF), og har som medlem oppnådd den høgaste moglege utmerkinga i konkurransesamanheng, “Gullmedalje med krans”.
Cecilie er lidenskapeleg opptatt av å visualisere og formidle bodskap gjennom sine fotografi. Ho kan hjelpe deg å styrke merkevara di ved å nytte fotografiet. Med sitt unike blikk, kreativitet og faglege tyngde er ho ein visuell formidlar du gjerne vil ha med på laget.
«Alt byrjar med ein idé”
-
PRAKTIKANT
Marte Skodjevåg Sundgot er student ved Høgskulen i Volda, der ho tek ein bachelorgrad i PR, kommunikasjon og media. Studiet gir ho brei kunnskap om grunnleggande tema, metodar, teoriar, problemstillingar og verktøy innan medie- og kommunikasjonsfaget.
Ho blir ferdig med utdanninga våren 2026, og har allereie fått mykje erfaring med både strategisk kommunikasjon og kreativt innhald. Ho brenn spesielt for sosiale medium – og då aller mest Instagram. Ho likar å jobbe med innhald som engasjerer, bygg relasjonar og gir verdi til følgjarane.
I tillegg har ho stor interesse for videoredigering, og trivst godt med å formidle bodskap gjennom levande bilde. Som person er Marte nysgjerrig, strukturert og kreativ, og ho likar å kombinere det visuelle med det strategiske. Ho har eit ønske om å hjelpe bedrifter med å bli tydelegare, meir synlege og meir engasjerande i digitale kanalar.
«Historier som treff»
-
FILMPRODUSENT & SAMARBEIDSPARTNAR
Camilla Kleppe Nanseth har bachelor i film- og tv-produksjon frå Universitetet i Bergen, og har produsert film og foto i over 15 år. Gjennom det eigenstarta firmaet Nanseth Media har ho i fleire år levert film, foto og grafisk design til bedrifter og organisasjonar, med mål om å løfte både merkevare og bodskap.
Ho brenn for å lage film som underheld – ikkje berre visuelt, men også gjennom ei god historie. Med særleg fokus på klipperytme, lyd og kameravinklar, jaktar ho stadig nye måtar å utvikle uttrykket sitt på. Camilla har ei sterk evne til å leve seg inn i andre si verd og formidle det visuelt vidare til sjåaren, anten det handlar om å røre, engasjere eller få fram eit smil.
Gjennom blikk for detaljar og engasjement for menneska ho møter, jobbar ho for å skape innhald som kjennest ekte – og som sit igjen hos publikum lenge etterpå.
